Wednesday, November 12, 2008
Raha toa moa ka … Miasà, miasà mafy, miasà tsara.
Mba fantatrareo ve ny nanovan’ny ankizy ilay hira hoe “Sahia”, filamatry ny Filoha Ravalomanana iny?
Ka sahia, andeha hiara-dia, aza kanosa fa avia
Ravalomanana no hitondra sipa, ka mandroso no toromarika.
Fa resaka famaritana ny atao hoe miasa no horesahiko eto anio. Nisy nanontany aho mantsy indray andro momba ilay motto-ko hoe “Work hard at whatever you do!”. Ny enti-milaza hoe “Miasa” dia manana dikany maromaro arakaraka ny teny ampiarahina aminy.
- Miasa
- Rehefa tonga ao am-piasana ka velona ny ordinatera, ary eo amin’ny clavier na ny souris ny maso, dia izay no atao hoe miasa. Tsy ilaina hofantarina izay ao amin’ny écran ao na WebMail na Sudoku na Facebook na Pacman na Solitaire na zavatra hafa, asa daholo ireny.
- Miasa tsara
- Rehefa
Miasa
, ka tsy WebMail na Sudoku na Facebook na Pacman na Solitaire, na ny toy izay no eo amin’ny écran eo. - Miasa mafy
- Rehefa
Miasa
, ka tsy mahita afa-tsy ny écran, ary tsy mandre izay manodidina anao eo. Na dia hoe may aza ny trano ka miolomay mivoaka ny olona rehetra, ianao irery kosa ho tavela eo miaraka amin’izay “asa” ataonao, dia izay ilay miasa mafy. - Miasa miaraka
- Rehefa
Miasa
, ka tsaty (Chat) no fenêtre active eo, dia izay ilay hoe miasa miaraka. Anisan’ny miasa miaraka ihany koa ilay mi-jeu ka miezaka manindry ny score vitan’ilay namana mpifaninana iray. - Miasa maharitra
- Amin’ny valo alina mbola
Miasa
foana, nefa tokony amin’ny 5 ora sy sasany no mody. Odiana tsy heno ilay finday mibipy milaza hoe “Modia am’zay” fa … asa tokony ho vita anio ve dia hiverenana rahampitso? - Miasa betsaka
- Rehefa misy fenêtres mihoatra ny 5 arahi-maso eo amin’ny ordinatera, mila asesisesy tsirairay ary matetitetika.
- Tsy miasa
- Tsy dia fahita firy amin’ny voambolan’ny mpampiasa ordinatera, fa rehefa tapaka ny herin’aratra mba mi-chôme ihany izy.
Add comment
Fill out the form below to add your own comments
Wednesday, November 12, 2008 - 16:07:53
Eto “am-piasana” aho dia anisan’ny “asa betsaka ” nataoko anio ny namaky ity lahatsoratra ity.
Mbola tsy “tafaasa mafy” anefa na dia efa tamin’ny 9 ora maraina aza no teto fa mbola “niaraka niasa” kely (nisy asa niarahana tamin’ny mpanoratra, asa score) ary ny lalina dia miasa maharitra be loatra isan’andro ary mba hiezaka hametraka fangatahana asa “tsy miasa” ihany angamba fa tena ilaina indraindray.
Wednesday, November 12, 2008 - 23:32:28
ekena tanteraka !!!
raha toa moa ka… tsy eken’i sefo ny famaritana arosonao ?
raha toa moa ka…roahany tsy hiasa intsony ianao ?
raha toa moa ka…tsy afaka mandalina momba ny asa intsony ianao satria tsy manana asa ?
nofy ratsy/sokafy ny maso/mifohaza malaky/fifohazana/miaaaala ny eritreri-dratsy !
Thursday, November 13, 2008 - 09:11:58
@Rajiosy> Ny mandalina vita ihany fa ny mametraka ilay hevitra taingina amin’ny blaogy no tsy ho tafa intsony, satria tsisy ordinatera, tsisy koneksa, tsisy vola hoentina any amin’ny cyber.
Mazotoa miasa daholo ary e!
Friday, November 14, 2008 - 02:33:05
hitako ny exiger-na mafy mintsy fahaizana miasa miaraka sy miasa betsaka @ ireny entretien d’embauche ireny kle… asa miteraka asa :)
tsy mahagaga ra mitokona ny mpiasan’n JIRAMA mangataka fampisondrotan-karama… satria michome ny mpampiasa ordi mandritra izany, ny vola tsy maintsy miodina :P
Friday, November 14, 2008 - 10:40:12
Raha ny amiko aloha dia tena ekeko mihitsy raha hasondrotra ny karaman’ny mpiasan’ny Jiro sy Rano e! Na tsy misy fandriampahalemana, velona ihany ny Malagasy, na tsy voavidy ny sakafo, velona ihany ny Malagasy fa raha ny jiro na rano no tsy misy dia tena maty ny mpiasa mavitrika.
Pas d’électricité, pas de travail. Pas de travail, pas de salaire. Pas de salaire, pas de salaire.